రజని తో శంకర్ హేట్రిక్ సాధిస్తాడా ?
ఇండియన్ సినీమా చరిత్రలో అతి భారీ బడ్జెట్ చిత్రం…
సూపర్ స్టార్ రజనీకాంత్ హీరోగా గ్రేట్ డైరెక్టర్ శంకర్ దర్శకత్వంలో లైకా ప్రొడక్షన్స్ సుభాష్ కరణ్ నిర్మిస్తున్న భారీ చిత్రం ‘2.0’.
భారతీయ చలన చిత్ర చరిత్రలోనే తొలిసారి 500 కోట్ల భారీ బడ్జెట్ తో నిర్మాణం జరుపుకుంటున్న ఈ సినిమా నవంబర్ 29న ప్రపంచవ్యాప్తంగా పలు భాషల్లో విడుదల కాబోతోంది. ఈ చిత్రాన్ని విజువల్ వండర్ గా తీర్చిదిద్దడానికి 2150 వి. ఎఫ్. ఎక్స్ షాట్స్ ఉపయోగించారు. 3000 మంది వి.ఎఫ్. ఎక్స్ టెక్నీషియన్స్.. 1000 టిపికల్ వి.ఎఫ్. ఎక్స్ షాట్ మేకర్స్ ఈ సినిమా కోసం పనిచేశారు. ఆదివారం ఈ సినిమా మేకింగ్ వీడియోస్, పాట, ట్రైలర్ ను హైదరాబాద్లో తాజాగా విడుదల చేశారు. పూర్తిస్థాయి త్రీడీ టెక్నాలజీతో.. 4డీ సౌండింగ్తో తెరకెక్కిన తొలి ఇండియన్ సినిమా ‘2.0’. ఈ సినిమా తెలుగు వెర్షన్ ను ఎన్.వి.ఆర్. సినిమా పతాకంపై ప్రముఖ నిర్మాత ఎన్.వి.ప్రసాద్ తెలంగాణ, ఆంధ్రప్రదేశ్ రాష్ట్రాల్లో విడుదల చేస్తున్నారు. ‘2.0’ పాటలు, ట్రైలర్ కు హ్యూజ్ రెస్పాన్స్ వస్తుంది. సోషల్ మీడియాలో 2.0 ట్రైలర్, పాటలు ట్రెండింగ్ లో ఉన్నాయి. ఈ సందర్భంగా… సూపర్ స్టార్ రజనీకాంత్ మాట్లాడుతూ.. “విజువల్ వండర్ గా రూపొందిన ‘2.0’ చిత్రం ప్రపంచ వ్యాప్తంగా నవంబర్ 29న విడుదల కానుంది. శంకర్ గారు సినిమాను అద్భుతమైన మెసేజ్తో ప్రతి సన్నివేశాన్ని ఎంతో అద్భుతంగా మలిచారు. ఈ సినిమాతో ఇండియన్ సినిమా ఇంటర్నేషనల్ స్థాయికి చేరుతుంది. ఈ సినిమా ఇంత గొప్పగా వచ్చిందంటే అందుకు ముఖ్య కారణం శంకర్ అయితే.. ఆయన కంటే ముందు అభినందిచాల్సిన వ్యక్తి నిర్మాత సుభాష్ కరణ్. ఆయనకు సినిమాపై ఉన్న ప్యాషన్ కారణంగానే ఈ సినిమాను ఇంత గొప్పగా చేయగలిగాం. ఎంతో మంది టెక్నీషియన్స్ రాత్రింబగళ్లు ఎంతో కష్టపడ్డారు. సినిమా కోసం నేను కూడా అందరితో పాటు ఆసక్తిగా ఎదురుచూస్తున్నాను” అన్నారు.
View Comments (1)
Sankar is a great indian director. Waiting for this movie.