స్వాతంత్ర్య దినోత్సవ ‘చిరు ‘ కానుక …

సైరా నరసింహారెడ్డి మెగాస్టార్ చిరంజీవి హీరోగా రూపొందుతోన్న భారీ హిస్టారికల్ సినిమా. శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ బ్యానర్‌పై సురేందర్ రెడ్డి దర్శకత్వంలో రామ్‌చరణ్ నిర్మాత గా, చిత్రీకరణ పూర్తి చేసుకున్న ఈ చిత్రానికి ప్రస్తుతం నిర్మాణానంతర కార్యక్రమాలు జరుగుతున్నాయి.

అధునిక సాంకేతికతను జోడించి తెలుగు సినిమాలకు అనుగుణంగా భారీ బడ్జెట్, హై టెక్నికల్ వేల్యూస్‌తో రూపొందిన చిత్రం సైరా నరసింహారెడ్డి. బ్రిటీష్ పాలనకు ఎదురొడ్డి నిలిచిన తొలి స్వాతంత్ర్య యోధుడు .. చరిత్ర మరుగున పడిపోయిన వీరుడు ఉయ్యాలవాడ నరసింహారెడ్డి జీవితగాథను ఆధారంగా చేసుకుని ఈ సినిమాను రూపోందిస్తున్నారు. సైరా కు సురేందర్ రెడ్డి దర్శకుడు అనగానే తను ఈ సినిమాను హేండిల్ చేయగలడా అనుకున్న వారి అంచానాలకు మించి చేసాడని ఈ మేకింగ్ వీడియో నిరూపించింది. పెరుగుతున్న తెలుగు సినిమా స్పాన్‌కు అనుగుణంగా పలు భాషల్లో ప్రపంచ వ్యాప్తంగా ఈ సినిమా ప్రపంచ వ్యాప్తంగా అక్టోబర్ 2 న విడుదల కానుంది.

ఆగస్ట్ 15న స్వాతంత్ర్య దినోత్సవాన్ని పురస్కరించుకుని ఈ సినిమా మేకింగ్ వీడియోను నిర్మాణ సంస్థ కొణిదెల ప్రొడక్షన్ కంపెనీ విడుదల చేసింది. వీడియో చూసిన వారందరూ సినిమాను ఎప్పుడెప్పుడు చూద్దామా? అనేంతలా గొప్పగా మేకింగ్ ఉంది. రామ్ లక్ష్మణ్, గ్రెగ్ పావెల్, లీ విట్టాకర్ నేత‌ృత్వంలో యాక్షన్ పార్ట్‌ను ఎంత గొప్పగా చిత్రీకరించారో మేకింగ్ వీడియో ఎలివేట్ చేస్తుంది. అలాగే గూస్ బమ్స్ వచ్చేలా ఈ ఇప్పటి వరకు తెలుగు తెరపై రానివిధంగా అద్భుతమైన యాక్షన్ పార్ట్‌తో సినిమా రూపొందుతోందని చిత్ర యూనిట్ సభ్యులు తెలియజేస్తున్నారు. అలాగే సినిమాలో నటించిన అమితాబ్ బచ్చన్, కిచ్చాసుదీప్, విజయ్ సేతుపతి, తమన్నా, నిహారిక, జగపతిబాబు, రవికిషన్ పాత్రలకు సంబంధించిన లుక్స్‌ను కూడా ఈ యాక్షన్ టీజర్‌లో విడుదల చేశారు. అలాగే చిరంజీవి పుట్టినరోజు(ఆగస్ట్ 22) సందర్భంగా టీజర్‌ను ఆగస్ట్ 20న విడుదల చేయబోతున్నారు. ప్రముఖ సినిమాటోగ్రాఫర్ రత్నవేలు సినిమాటోగ్రఫీ, బాలీవుడ్ సంగీత దర్శకుడు అమిత్ త్రివేది సంగీతాన్ని అందిస్తున్నారు. మేకింగ్ వీడియో బ్యాగ్రౌండ్ స్కోర్ ఎక్స్‌ట్రార్డినరీగా ఉంది. భారీ అంచనాల నడుమ నిర్మితమవుతోన్న సైరా నరసింహారెడ్డి సినిమా గురించి మెగాభిమానులు, సినీ ప్రేక్షకులు ఆసక్తిగా ఎదురుచూస్తున్నారు. ఈ చిత్రం అందరి అంచనాలను మించేలా ఉంటుందని మేకింగ్ వీడియో చూస్తే తెలుస్తుంది.

నటీనటులు: మెగాస్టార్ చిరంజీవి, అమితాబ్ బచ్చన్, కిచ్చాసుదీప్, విజయ్ సేతుపతి, నయనతార, తమన్నా, జగపతిబాబు, రవికిషన్, నిహారిక తదితరులు.
మేకింగ్ వీడియో ను ఇక్కడ చూడండి….

Leave a Reply

Your email address will not be published. Required fields are marked *

Share via
Copy link
Powered by Social Snap