అంతర్జాతీయ నాణేలు, నోట్ల ప్రదర్శన విజయవాడలో…
కాలచక్రం కళ్లెదుటే గిర్రున వెనక్కి తిరుగుతుంది. 2000 నోట్లను చూస్తున్న కాలం నుంచి రాగి నాణేల రాజుల కాలంలో నడుస్తాం. ఇక్కడ రాజుల కాలం నుంచి ఆధునిక కాలం వరకు ఏ కాలం లో ఏ నాణేలు చలామణిలో వున్నాయో చూడవచ్చు నవాబుల పాలన కాలం నుంచి ఇండియన్ రిపబ్లిక్ వరకు నాణేలు, కరెన్సీ నోట్లు చూపిస్తున్నారు విజయవాడలో. దేశవిదేశాల్లో ముద్రించిన చలామణి అయిన నూతనంగా ముద్రించిన నాణేలు, నోట్లు మన కళ్లెదుటే ఉంచారు.
ఫ్యాన్సీ కరెన్సీ : సంఖ్యాబలం, సెంటిమెంటు చాలా మందిలో కనిపిస్తుంది. అదృష్ట సంఖ్య ఉండే తేదీల్లో కొన్ని కార్యక్రమాలు మొదలు పెడతారు. వాహనాలు కొనేవాళ్ళు అదృష్ట సంఖ్యలు ఉండే నెంబర్ కావాలని కోరుకుంటారు. మరికొంత మంది తమ పుట్టిన రోజు, పెళ్ళి రోజు సంఖ్యలు వుండే నోట్లు సేకరిస్తారు. ఇలా ఫ్యాన్సీ నెంబర్లు ఉన్న కరెన్సీ నోట్లను ప్రత్యేకంగా కొనుగోలు చేస్తున్నారు కొందరు ఇక్కడ. విజయవాడలో ఏర్పాటు చేసిన అంతర్జాతీయ నాణేలు కరెన్సీ నోట్ల ప్రదర్శనలో ఫ్యాన్సీ కరెన్సీ అందరిని కట్టిపడేస్తుంది. మీ పుట్టిన తేదీ ఇతర సంఖ్యలు వచ్చేటట్లుగా 10, 20 రూపాయల కరెన్సీ నోట్లను ఈ ప్రదర్శనలో అందిస్తున్నారు. అయితే నోటు ఖరీదుకు నాలుగు రెట్లు ఎక్కువగా తీసుకొంటున్నారు. మన పుట్టిన రోజు తేదీ కలిసి వచ్చేలా పది రూపాయలు నోటు కావాలంటే 50 రూపాయలు తీసుకుంటున్నారు.